No products in the cart.: $0.00
Free shipping for orders over $59. $5.00 USPS Shipping on $25+ !
About
மண்ணும் மரபும், பாரம்பரிய கண்காட்சி காந்தி உலக மையத்தின் ஒரு முயற்சியாகும்
பாரம்பரியத்தை மீட்டெடுக்கும் பெரும் பணியில்
காந்தி உலக மையம் (காந்தி வேர்ல்ட் பவுண்டேஷன்) ஒரு அரசியல் சாராத, தொண்டு செய்யும் சமூக சேவை அமைப்பாகும். காந்திய சிந்தனைகளையும், சமூக மாற்றத்திற்காண மாறுபட்ட செயல்பாடுகளையும், இன்றைய இளம் தலைமுறையினர் விரும்பி ஏற்றுக்கொள்ளும் வகையில், எண்ணற்ற விழிப்புணர்வு முகாம்கள், செயல்பாடுகள் மூலமாகவும் விதைத்து, மக்களின் மகிழ்ச்சிக்கும் மாற்றத்திற்குமான ஆணிவேரை பலப்படுத்துவதும், குறிப்பாக வருங்கால இளம் தலைமுறைகளின் மனநல பாதுகாப்பு, பாரம்பரிய மீட்டெடும்பு மற்றும் கிராமப்புற பொருளாதார வளர்ச்சிக்கான அடிப்படை பணிகளை தொடர்ச்சியாக மேற்கொள்வதை நோக்கமாகக் கொண்டுள்ள இந்த அமைப்பு, முறைப்படி பதிவு செய்யப்பட்டுள்ள ஒரு அறக்கட்டளை ஆகும்.
மறைந்த மக்கள் குடியரசுத் தலைவர் டாக்டர் APJ அப்துல் கலாம் ஐயா, தமிழக ஆளுநர் உள்ளிட்ட எண்ணற்ற சான்றோர்கள் காந்தி உலக மையத்தின் பல்வேறு நிகழ்வுகளில் பங்கேற்று சிறப்பித்துள்ளனர்.
பொதுவாகவே பல வருடங்களாக, தமிழகத்தில், பாரம்பரிய நெல் திருவிழா, உணவுத்திருவிழா, இயற்கை விவசாயிகள் சந்தை நிகழ்ச்சி, நாட்டுப்புற கலை நிகழ்ச்சி, பாரம்பரிய மருத்துவம் சார்ந்த நிகழ்ச்சிகள், கண்காட்சிகள் என தனித்தனியாக வெவ்வேறு தளங்களில் நிகழ்ச்சிகள் நடத்தப்பட்டு வந்த சூழலில், காந்தி உலக மையம், இவையனைத்தையும் ஒருங்கிணைத்து,
மண்ணும் மரபும் என்ற ஒரே குடையின் கீழ், இயற்கை வேளாண் சந்தை, பாரம்பரிய நெல் மற்றும் விதைத்திருவிழா, கால்நடைத்திருவிழா, பாரம்பரிய உணவுத்திருவிழா, பாரம்பரிய விளையாட்டுகள், நாட்டுப்புறகலைகளின்சங்கமம், கண்காட்சிகள், பயிற்சிப்பட்டறைகள் மற்றும் கருத்தரங்கங்கள் போன்ற அனைத்து நிகழ்ச்சிகளையும் மிகச்சிறப்பாக, பிரம்மாண்டமான வடிவில், ஒருங்கிணைத்து பாரம்பரியத்தை அடுத்த தலைமுறைக்கு காணொளி கட்சிகளாகவும், அனுபவரீதியாகவும், நேரடியாகவும் கொண்டுசேர்க்கும் முயற்சியில் தன்னை ஈடுபடுத்தி வருகிறது. இந்த நிகழ்ச்சி, பல கிராமப்புற விவசாயிகள், மகளிர் சுய உதவிக்குழுக்கள் மற்றும் நலிவடைந்த கலைஞர்களுக்கு புத்துணர்ச்சி அளித்ததோடு, மற்றவர்களுக்கு ஒரு முன் மாதிரியாய் அமைந்து. இது போன்ற ஒருங்கிணைந்த பாரம்பரிய நிகழ்ச்சிகள், இன்று பல இடங்களில் நடைபெற்று வருவதை கண்டு காந்தி உலக மையம் பெருமிதம் கொள்கிறது.
இந்த நிகழ்ச்சியில், இயற்கைவேளாண் பொருட்களுக்கான மற்றும் விவசாயிகளின் நேரடிசந்தை, சித்தமருத்துவமுகாம், நாட்டுப்புற கலைநிகழ்ச்சிகளான, தெருக்கூத்து, நிழல்பாவை கூத்து, பறையாட்டம், ஒயிலாட்டம், சிலம்பாட்டம், நாட்டுப்புற பாடல்கள், நூற்றுக்கும் மேற்பட்ட நெல் மற்றும் மரபு விதைகள் காட்சிப்படுத்தல், அரிய வகை மூலிகை கண்காட்சி, பாரம்பரிய உணவு வகைகள் மற்றும் போட்டிகள், மரபு சார்ந்த வீட்டு உபயோகப்பொருட்கள், மண்பாண்டம் தயாரிப்பு, 3000 வருடம் பழைமை வாய்ந்த இசைக்கருவிகள் காட்சியகம், பண்டைய விவசயிகள் பயன்படுத்திய கருவிகள், பழங்கால போர்க்கருவிகள் குழந்தைகளுக்கான பாரம்பரிய விளையாட்டுகள், அழிந்து வரக்கூடிய நாட்டுமாடுகள், ஆடுகள், நாய்கள் மற்றும் கோழிகள் போன்ற கால்நடைகளின் அணிவகுப்பு போன்ற நிகழ்வுகளுடன் பல்துறை நட்சத்திரங்ககள் கலந்துகொள்ளும் கருத்தரங்கங்கள், பயிற்சி பட்டறைகள் மற்றும் பல மரபு சார்த்த நிகழ்வுகள் முன்னெடுக்கப்படுகிறது.
கிராமப்புற விவசாயிகள், தங்களது விளைப்பொருட்களை, எந்தவித இடைத்தரகர்களும் இல்லாமல், தாங்களே விலை நிர்ணயித்து சந்தைப்படுத்தும் வாய்ப்பினை உருவாக்கிடவும், இதன் மூலம் கிராமப்புற பொருளாதாரத்தை உயர்த்திட வேண்டும் என்ற நோக்கில் சந்தை நிகழ்ச்சி முன்னெடுக்கப்படுகிறது. இதனுடன், மகளிர் சுய உதவிக்குழுப்பெண்களுக்கு முன்னுரிமை வழங்கி அவர்களின் வாழ்வாதாரத்திற்கும், தன்னம்பிக்கைக்கும் வாய்ப்பளிப்பதற்கும் இந்த நிகழ்ச்சி பெரும் பங்கு வகிக்கிறது. இந்த முயற்சி, தமிழகம் முழுவதும், 38 மாவட்டங்களிலும் கொண்டுசேர்க்கும் பணிகளிலிலும் காந்தி உலக மையம் தன்னை ஈடுபடுத்தி வருகிறது.
மண்ணும் மரபும் நிகழ்வில் இடம்பெற இருக்கின்ற முக்கிய அம்சங்கள்
- கிராமத்து கடைவீதிகள் (100கும் மேற்பட்ட விவசாயம் மற்றும் அதை சார்ந்த நஞ்சில்லா விவசாய பொருட்கள்)
- தெருக்கூத்து
- 20க்கும் மேற்பட்ட நாட்டுப்புற கலை நிகழ்ச்சிகள்
- தோல்பாவைக் கூத்து
- கைப்பாவை கூத்து
- பொம்பலாட்டம்
- மாதிரி தற்சார்பு வீடு
- பழமையான விவசாய பொருட்கள் கண்காட்சி (45கும் மேற்பட்ட)
- 3000ஆண்டுகள் பழமையான 80+ இசைக்கருவிகள் காட்சியகம்
- 300கும் மேற்பட்ட பித்தளை, செம்பு, வெண்கல பாத்திரங்கள் கண்காட்சி
- 300க்கும் மேற்பட்ட விதைகள் கண்காட்சி
- 170க்கும் மேற்பட்ட நெல் விதைகள் கண்காட்சி
- 150+ அரிய வகை மூலிகை கண்காட்சி
- 20வகையான பலாப்பழம் கண்காட்சி
- பனை பொருட்கள் கண்காட்சி
- பழமையான வீட்டு உபயோக பொருட்கள்கண்காட்சி,(ஆட்டுக்கல்,அம்மி, உரல்…)
- பழமையான விளையாட்டு பொருட்கள் கண்காட்சி
- இளசுகளுக்கும், பெரியவர்களுக்குமான விளையாட்டு போட்டிகள்
- கோழிச்சண்டை
- கூண்டிற்கு உள்ள பலவகையான நட்டு புறா,கோழி இனங்கள்
- பலவகை கால்நடைகள் அணிவரிசை(மாடு,நாட்டுநாய்,குதிரை,கழுதை, ஆடு)
- உறியடி, இளவட்டக்கல்,சறுக்குமரம்,
- குழந்தைகளுக்கான பாரம்பரிய விளையாட்டுகள்.
- மரபு சார்ந்த சமையல்
- மண் சார்ந்த கருத்துரையாடல்
- மகத்துவமான சித்த மருத்துவ முகாம்
- பசியாற்றும் பல தரப்பட்ட உணவுப்பொருட்கள்
- பிரபலங்களின் மண்சார்ந்த அனுபவ பகிர்வு
- உணவு,பனை,கிராமிய பொருட்கள் பயிற்சி பட்டறைகள்
- உணவுத்திருவிழா, மற்றும் போட்டிகள்.
- பொண்கள்போட்டிகள், கோலப்போட்டி,முளைபறிபோட்டி, இட்டலி திருவிழா மற்றும் பல போட்டிகள்…
- மண் மணக்கும் மண்பாண்டங்கள் தயாரிப்பு காட்சியகம்
- பல விதமான பனையோலை பொருட்கள் தயாரிப்பு பயிற்சி
- வெண்கல சிலை தயாரிப்பு – ஓர் நேரடி பார்வை
- மல்லர் கம்பம் விளையாட்டு போட்டிகள்
- சிறிய ராட்டினம்
- குழந்தைகளுக்கான பலூன் சூட்டிங், ரிங் விளையாட்டு
- நெல் நாற்று நடுதல்
- கூண்டிற்குள் ஆஸ்திரேலிய நாட்டு பெரிய கிளிக்கு உணவு அளிப்பது போன்ற வாய்ப்பு.
- குழந்தைகளுக்கு குதிரை சவாரி, ஒட்டக சவாரி
- குழந்தைகள் முதல் பெரியவர்கள்வரை கவரும் பல்வேறு விளையாட்டுகள்.
- ஜவ்வுமிட்டாய், பலகை பிஸ்கட், கிளிஜோஸ்யம்,
- மரம் நடுதலை பற்றிய விழிப்புணர்வு (மரம் பேசுவதை போன்று கருத்துசொல்லப்பட இருக்கின்றது)
- பிளாஸ்டிக் விழிப்புணர்வு பற்றிய தொங்கலிடல்
- பாரம்பரியத்தை உணர்த்தும், வெளிப்படுத்தும், விழிப்புணர்வு ஏற்படுத்தும் வகையில்3லிருந்து 5 விழிப்புணர்வு அலங்காரவளைவுகள் அமைக்கப்பட இருக்கிறது.
- நிகழ்வில் மரபு காவலர் மற்றும் மண்ணின் மைந்தர் என்ற தலைப்புகளில் மரபு மற்றும் மண்சார்ந்து பணியாற்றிய ஆளுமைகளுக்கு விருதுகள் வழங்கப்பட உள்ளது
- பல்வேறு நாடுகளில் பல்வேறு மொழிகளில் வெளியான திருக்குறள் புத்தக சேகரிப்புகள் கண்காட்சி.
- மண் மற்றும் மரபு சார்ந்த புத்தகங்கள் விற்பனையாகம் (பாரம்பர்ய சமையல், மூலிகை மருத்துவம்,விவசாயம், மரபு விளையாட்டுகள் இன்னும் பல)
இன்னும் பல… இவையெல்லாம் ஒரே இடத்தில்…
Why do people love us?
Meet Our Team
Wade Warren
Marketing
Floyd Miles
Developer
Brooklyn Simmons
Customer
Ralph Edwards
Marketing
Leslie Alexander
Advertising
Wade Warren
Design
